Maliyyə Hesabatlarının Beynəlxalq Standartları Firudin Sultanov Elvin Həsənov Elsevər Ibadov
Bu kitab Maliyyə Hesabatlarının Beynəlxalq Standartları növü üzrə peşəkar mühasib sertifikatı almaq üçün hazırlaşan müdavimlər üçün vəsaitdir. Kitabın mövzuları Peşəkar Mühasib Sertifikatının MHBS növü üzrə Dövlət İmtahan Mərkəzinin elan etdiyi imtahan proqramı əsasında hazırlanmışdır. Kitab hazırlanarkən beynəlxalq təcrübə və resurslar-dan istifadə edilmişdir. MHBS və MUBS ingilis dilindən Azərbaycan dilinə tərcümə edil-diyinə görə istifadə edilən terminlərin daha düzgün anlaşıla bilməsi üçün terminlər ingi-liscə qarşılıqları ilə birlikdə verilmişdir. Bundan əlavə kitabda istifadə olunan azərbaycanca və ingiliscə terminlərin lüğəti verilmişdir.
Müdavimlərin tələb və ehtiyacını diqqətə alaraq kitabın artıq 17 fəsildən ibarət ikinci nəşri çap olunmuşdur. Bu nəşrə “Qeyri-maddi aktivlər”, “Maliyyə alətləri”, “Mənfəət vergisi”, “Xarici valyuta əməliyyatların dəyişməsinin təsirləri” və “Yaradılmış ehtiyat fondları, şərti öhdəliklər və şərti aktivlər” standartlarını əhatə edən yeni fəsillər yazılmışdır. Həmçinin birinci nəşrdə yer alan fəsillərə yeni suallar əlavə edilmişdir. İkinci nəşrdə 71 nümunə, 63 qapalı test və 159 açıq sual olmaqla cəmi 293 praktiki izah təqdim edilmişdir.
Kitabın növbəti nəşrlərində “Maliyyə hesabatlarının təqdimatı”, “Satış üçün saxlanılmış uzunmüddətli aktivlər və dayandırılmış əməliyyatlar”, “Kənd təsərrüfatı” və digər stan-dartların əhatə olunduğu fəsillərin əlavə olunması planlaşdırılır.
